1.24 ಲಕ್ಷ ರೂಪಾಯಿ ಮೌಲ್ಯದ ಗಾಂಜಾ ಜಪ್ತಿ
ಹುಬ್ಬಳ್ಳಿ: ಗಾಂಜಾ ಸಾಗಣೆ ಮಾಡುತ್ತಿದ್ದ ರಾಜಸ್ಥಾನ ಮೂಲದ ಇಬ್ಬರನ್ನು ಸಿಇಎನ್ ಕೈಂ ಠಾಣೆ ಪೊಲೀಸರು ಸೋಮವಾರ ಇಲ್ಲಿನ ಬಂಕಾಪುರ ಚೌಕ್ ದೇಸಾಯಿ ಓಣಿ ಹತ್ತಿರ ಬಂಧಿಸಿ, ಅವರಿಂದ ಅಂದಾಜು 1.24 ಲಕ್ಷ ರೂ. ಮೌಲ್ಯದ 1 ಕೆಜಿ 243 ಗ್ರಾಂ ಗಾಂಜಾ ವಶಪಡಿಸಿಕೊಂಡಿದ್ದಾರೆ. ಬಂಧಿತರು ಗಾಂಜಾವನ್ನು ರಾಜಸ್ಥಾದ ಮೌಂಟ್ ಅಬುದಿಂದ ಖರೀದಿಸಿ ತಂದು ನಗರದಲ್ಲಿ ಮಾರಾಟ ಮಾಡುತ್ತಿದ್ದರು. ಮತ್ತೊಬ್ಬ ಆರೋಪಿ ಪರಾರಿಯಾಗಿದ್ದಾನೆ. ಸಿಇಎನ್ ಕ್ರೈಂ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.