ಶ್ರೀ ಸೋಮವಂಶ ಸಹಸ್ರಾರ್ಜುನ ಕ್ಷತ್ರೀಯ ಸಮಾಜ ಪಂಚ ಟ್ರಸ್ಟ್ ಕಮೀಟಿ ಶ್ರೀ ಅಂಬಾಭವಾನಿ ದೇವಸ್ಥಾನ, ಬೆಟಗೇರಿ-ಗದಗ ವತಿಯಿಂದ ಶ್ರೀ ಜಗದಂಬಾ ದೇವಿಯ 109 ನೇ ಪ್ರಾಣ ಪ್ರತಿಷ್ಠಾಪನೆಯ ಅಂಗವಾಗಿ ಸಾಮೂಹಿಕ ಉಪನಯನ ಹಾಗೂ ವಿವಾಹಗಳನ್ನು ಆಯೋಜಿಸಲಾಗಿದೆ.
ಪ್ರತಿ ವರ್ಷದಂತೆ ಈ ವರ್ಷವೂ ಶ್ರೀ ಅಂಬಾಭವಾನಿ ದೇವಿಯ 109ನೇ ಪ್ರಾಣ ಪ್ರತಿಷ್ಠಾಪನೆಯ ವಾರ್ಷಿಕೋತ್ಸವ ಅಂಗವಾಗಿ ವೈಶಾಖ ಶುದ್ಧ ದಶಮಿ ದಿನದಂದು ಮೇ 18 ರ ಶನಿವಾರ ಸಂಜೆ 6 ಘಂಟೆಗೆ ಪೋತಿ ಸ್ಥಾಪನೆ ಹಾಗೂ ಕೀರ್ತನೆ ಭಜನೆ ವೀಣಾ ಜಾಗರಾಣೆ ಹಾಗೂ ಮೇ 19 ಬೆಳಿಗ್ಗೆ 5 ಗಂಟೆಗೆ ಕಾಕಡಾರತಿ ಜರಗುವುದು. 8-00 ಗಂಟೆಗೆ ಜ್ಞಾನೇಶ್ವರ 9-12 ಪಾರಾಯಣ ಪಠಣ ರಾತ್ರಿ ಭಜನಾ ಕಾರ್ಯಕ್ರಮ ಜರಗುವುದು.
ಮೇ 20 ಸೋಮವಾರ ಇದೇ ಶ್ರೀ ಶಾಲಿವಾಹನ ಶಕೆ 1946 ನೇ ಕ್ರೋಧಿನಾಮ ಸಂವತ್ಸರ ವೈಶಾಖ ಶುದ್ಧ ದ್ವಾದಶಿ ಮುಂಜಾನೆ 8 ಗಂಟೆಗೆ ಶ್ರೀ ದೇವಿಯ ಪಾಲಕಿ ದಿಂಡಿ ಸೋಳಾ, ನಗರ ಪ್ರದಕ್ಷಿಣೆ ಹೊರಡುವುದು ಶ್ರೀದೇವಿಯ ಪಾಲಕಿಯು ದೇವಸ್ಥಾನಕ್ಕೆ ಬಂದ ನಂತರ ಮಹಾಮಂಗಳಾರತಿ ಮಹಾಪ್ರಸಾದ ಜರಗುತ್ತದೆ. ನಂತರ ಸಮಾಜದ ಪಂಚ ಟ್ರಸ್ಟ ಕಮೀಟಿ, ಎಸ್.ಎಸ್.ಕೆ. ತರುಣ ಸಂಘ, ಶ್ರೀ ಜಗದಂಬಾ ಮಹಿಳಾ ಮಂಡಳ, ಶ್ರೀ ಸಹಸ್ರಾರ್ಜುನ ವ್ಯಾಯಾಮ ಶಾಲೆ, ಶ್ರೀ ಜಗದಂಬಾ ಶಿಕ್ಷಣ ಸಂಸ್ಥೆ ಇವರುಗಳ ಸಂಯುಕ್ತ ಆಶ್ರಯದಲ್ಲಿ ಎಸ್.ಎಸ್.ಕೆ. ಸಮಾಜದ ಸಾಮೂಹಿಕ ಉಪನಯನ ಹಾಗೂ ವಿವಾಹಗಳನ್ನು ಏರ್ಪಡಿಸಲಾಗಿದೆ.