ಗಣೇಶನಿಗೆ ಭಕ್ತಿಯ ವಿದಾಯ

ಗಣೇಶನಿಗೆ ಭಕ್ತಿಯ ವಿದಾಯ

ಕಲಘಟಗಿ; ಪಟ್ಟಣ ಸೇರಿದಂತೆ ತಾಲೂಕಿನ ವಿವಿಧೆಡೆ ಮಂಗಳವಾರ 11 ನೇ ದಿನದ ಗಣಪತಿಯನ್ನು ಮಂಗಳವಾರ ಸಂಭ್ರಮದಿಂದ ವಿಸರ್ಜಿಸಲಾಯಿತು.

ವಿವಿಧ ಗಜಾನೋತ್ಸವ ಸಮಿತಿಗಳು, ಸಂಘ-ಸಂಸ್ಥೆಗಳಿಂದ ಸಾರ್ವಜನಿಕ ಸ್ಥಳಗಳಲ್ಲಿಪ್ರತಿಷ್ಠಾಪಿಸ್ಪಟ್ಟಿದ್ದ ಗಣಪತಿ ಮೂರ್ತಿಗಳಿಗೆ ಮಂಗಳವಾರ ಕೊನೆಯದಾಗಿ ಪೂಜೆ ನೆರವೇರಿಸಲಾಯಿತು. ಭಕ್ತರು ವಿಘ್ನ ನಿವಾರಕನಿಗೆ ನೈವೇದ್ಯ ಅರ್ಪಿಸಿದರು. ಇದೇ ಸಂದರ್ಭ ವಸ್ತುಗಳ ಸವಾಲು ಮಾಡಲಾಯಿತು. ಭಕ್ತರು ತಮ್ಮ ಶಕ್ತಾನುಸಾರ ಹಣ್ಣು, ಹಾರ, ತುರಾಯಿ, ಶಾಲು ಸೇರಿದಂತೆ ಗಣೇಶನಿಗೆ ಸಿಂಗರಿಸಿದ್ದ ವಿವಿಧ ವಸ್ತುಗಳನ್ನು ಸವಾಲಿನಲ್ಲಿಪಡೆದರು. ಅದಾದ ಬಳಿಕ ಮೆರವಣಿಗೆಗೆ ಚಾಲನೆ ನೀಡಲಾಯಿತು.

ಸಿಂಗರಿಸಿದ್ದ ಟ್ರ್ಯಾಕ್ಟರ್‌‌ನಲ್ಲಿ ಗಣೇಶ ಮೂರ್ತಿಗಳನ್ನು ಕೂರಿಸಿ ಪ್ರಮುಖ ಮಾರ್ಗ, ವೃತ್ತಗಳಲ್ಲಿಮೆರವಣಿಗೆ ನಡೆಸಲಾಯಿತು. ಸಂಭ್ರಮದಲ್ಲಿದ್ದ ಭಕ್ತರು ಡಿಜೆ ಸೌಂಡ್‌ಗೆ ಹೆಜ್ಜೆ ಹಾಕುತ್ತಸಾಗಿದರು. ಮಕ್ಕಳು, ಯುವಕರು, ಹಿರಿಯರು ಸಹ ಡಿಜೆಗೆ ಹೆಜ್ಜೆ ಹಾಕುವುದು ಕಂಡು ಬಂದಿತು.