ನಾಳೆ ಕಲಾಸುಜಯ ನೃತ್ಯ ಅಕಾಡೆಮಿಯ ದಶಕದ ಸಂಭ್ರಮ
ಹುಬ್ಬಳ್ಳಿ: ಕಲೆ ಉಳಿವಿಗಾಗಿ ಶ್ರಮಿಸುತ್ತಿರುವ ಕಲಾಸುಜಯ ನೃತ್ಯ ಅಕಾಡೆಮಿಯ ದಶಕದ ಸಂಭ್ರಮ ಸಮಾರಂಭವನ್ನು ಸವಾಯಿ ಗಂಧರ್ವ ಭವನದಲ್ಲಿ ಮೇ ೨೮ರಂದು ಸಂಜೆ ೫.೩೦ಕ್ಕೆ ಆಯೋಜಿಸಲಾಗಿದೆ ಎಂದು ಸಂಯೋಜಕ ಸುಜಯ ಶಾನಭಾಗ ತಿಳಿಸಿದರು.
ಸೋಮವಾರ ಮಾಧ್ಯಮಗೋಷ್ಠಿಯಲ್ಲಿ ಮಾತನಾಡಿದ ಅವರು, ದಶಕದ ಸಂಭ್ರಮ ಸಮಾರಂಭಕ್ಕೆ ಪೇಜಾವರದ ವಿಶ್ವಪ್ರಸನ್ನ ತೀರ್ಥ ಸ್ವಾಮೀಜಿ ಚಾಲನೆ ನೀಡಲಿದ್ದಾರೆ. ಹುಬ್ಬಳ್ಳಿ ಧಾರವಾಡ ಬ್ರಾಹ್ಮಣ ಸಂಘದ ಅಧ್ಯಕ್ಷ ಅನಂತ ಪದ್ಮನಾಭ ಐತಾಳ, ಸ್ವರ್ಣಾ ಆಭರಣ ಮಳಿಗೆ ಮಾಲೀಕ ಗುಜ್ಜಾಡಿ ಗೋಪಾಲಕೃಷ್ಣ ನಾಯಕ, ಸಾಹಿತ್ಯ ಪ್ರಕಾಶನದ ಎಂ.ಎ. ಸುಬ್ರಹ್ಮಣ್ಯ, ಬಾಲ ಕಲ್ಯಾಣ ಕೇಂದ್ರದ ಅಧ್ಯಕ್ಷೆ ಕಮಲಾ ಜೋಶಿ ಅತಿಥಿಗಳಾಗಿ ಭಾಗವಹಿಸುವರು ಎಂದು ತಿಳಿಸಿದರು.