ನೆಲ್ಲಿಹರವಿಯಲ್ಲಿ ಮನೆಯ ಮೇಲೆ ಬಿದ್ದ ಬೃಹತ್ ಆಕಾರದ ಮರ
ಕೂದಲೆಳೆಯ ಅಂತರದಲ್ಲಿ ಪಾರಾದ ಮನೆ ಮಂದಿ
ಕಲಘಟಗಿ; ತಾಲೂಕಿನಾದ್ಯಂತ ಮಂಗಳವಾರ ಸುರಿದ ಮಳೆಗೆ ಅಲ್ಲಲ್ಲಿ ಹಾನಿಯಾದ ಘಟನೆಗಳು ನಡೆದಿವೆ. ನೆಲ್ಲಿಹರವಿ ಗ್ರಾಮದಲ್ಲಿ ಮರ ಬಿದ್ದು ಎರಡು ಮನೆಗಳು ಜಖಂಗೊಂಡಿವೆ.
ಈ ಸುದ್ದಿ ಓದಿ; ಈ ವರ್ಷ ಭಾರಿ ಮಳೆ; ನಿಜವಾಗುವುದೇ ಭವಿಷ್ಯ
ಅದೃಷ್ಟವಶಾತ್ ಯಾವುದೇ ಪ್ರಾಣ ಹಾನಿ ಸಂಭವಿಸಿಲ್ಲ. ಸಂಜೆ ವೇಳೆಗೆ ಬೇಸಿದ ಗಾಳಿಗೆ ಬೃಹತ್ ಆಕಾರದ ಮರ ಬುಡ ಸಮೇತ ಮನೆಗಳ ಮೇಲೆ ಉರುಳಿ ಬಿದ್ದಿದೆ.ಮರದ ರಭಸಕ್ಕೆ ಅಕ್ಕಪಕ್ಕದ ವಿದ್ಯುತ್ ಕಂಬಗಳು ನೆಲಕ್ಕೂರಳಿವೆ. ಗ್ರಾಮದ ದ್ರಾಕ್ಷಾಯಿಣಿ ಚಿಕ್ಕಮಠ ಹಾಗೂ ಚರಂತಯ್ಯ ಚಿಕ್ಕಮಠ ಎಂಬುವವರ ಮನೆ ಮೇಲೆ ಮರ ಉರುಳಿ ಬಿದ್ದಿದ್ದು, ಎರಡು ಕುಟುಂಬಗಳು ಸಂಕಷ್ಟಕ್ಕೆ ಒಳಗಾಗಿವೆ.
ಮರ ತೆಗೆಯಲು ಸಾಧ್ಯವಾಗದೆ ರಾತ್ರೀಯಿಡಿ ಜಾಗರಣೆ ಮಾಡುವಂತಾಗಿದೆ.ಸಂಬಂಧಪಟ್ಟವರು ಈವರೆಗೂ ಭೇಟಿ ನೀಡದಿರುವುದು ಸಾರ್ವಜನಿಕರ ಆಕ್ರೋಶಕ್ಕೆ ಕಾರಣವಾಗಿದೆ.