ಗೋ ಕೃಪಾ ಜಲ ವಿತರಣೆಗೆ ಚಾಲನೆ

ಗೋ ಕೃಪಾ ಜಲ ವಿತರಣೆಗೆ ಚಾಲನೆ

ಕಲಘಟಗಿ: ಕನ್ಹೇರಿ ಸಿದ್ದಗಿರಿ ಸಂಸ್ಥಾನ ಮಠದ ಅದೃಶ್ಯ ಕಾಡಸಿದ್ಧೇಶ್ವರರು ನೇತೃತ್ವದಲ್ಲಿ ಅನೇಕ ಸ್ವಯಂ ಸೇವಕರಿಂದ ರಾಜ್ಯಾದ್ಯಂತ ನಡೆಯುತ್ತಿರುವ ಗೋ ಕೃಪಾ ಜಲ ಹಂಚುವ ಅಭಿಯಾನದ ವಾಹನ ಧಾರವಾಡ ಜಿಲ್ಲೆಯಾದ್ಯಂತ ಸಂಚರಿಸುತ್ತಿದೆ ಎಂದು ರೈತ ಮುಖಂಡ ಪರಶೂರಾಮ ಎತ್ತಿನಗುಡ್ಡ ಹೇಳಿದರು.
ತಾಲೂಕಿನ ಸೂಳಿಕಟ್ಟಿ ಗ್ರಾಮಕ್ಕೆ ಬುಧವಾರ ಆಗಮಿಸಿದ ಗೋ ಕೃಪಾ ಅಭಿಯಾನದ ರಥ ಸ್ವಾಗತಿಸಿ ಮಾತನಾಡಿದ ಅವರು, ವಿಷಯ ಮುಕ್ತ ಆಹಾರ ಉತ್ಪಾದನೆ, ರೋಗಮುಕ್ತ ಭಾರತ ನಿರ್ಮಾಣ ಮಾಡುವ ಉದ್ದೇಶದಿಂದ ಪ್ರತಿ ವರ್ಷದಂತೆ ಈ ವರ್ಷವೂ ಕೂಡಾ ಧಾರವಾಡ ಜಿಲ್ಲೆಯಾದ್ಯಂತ ಉಚಿತ ಗೋಕೃಪಾ ಅಮೃತ ಜಲ ವಿತರಣೆ ಮಾಡಲಾಗುತ್ತಿದೆ.
ಪ್ರತಿಯೊಂದು ಗ್ರಾಮಕ್ಕೂ ಸಂಚರಿಸುವ ಅಭಿಯಾನದ ಮೂಲಕ ಗೋಕೃಪಾ ಅಮೃತ ಜಲ ವಿತರಣೆ ಮಾಡಲಾಗುತ್ತಿದೆ. ಎಲ್ಲರೂ ಸಹಕರಿಸಬೇಕು. ಉಚಿತವಾಗಿ ಗೋ ಕೃಪಾ ಅಮೃತ ಜಲದ ಅಗತ್ಯ ಇರುವವರು 9449949699 ಈ ಸಂಖ್ಯೆಗೆ ಸಂಪರ್ಕಿಸಿ ಎಂದು ತಿಳಿಸಿದರು.

ಅಭಿಯಾನದಲ್ಲಿ ಗುಜರಾತಿನ ಶಂಕರ, ಬೀದರನ ಪ್ರಭು, ರಾಜು ಸೇರಿದಂತೆ ಸೂಳಿಕಟ್ಟಿ ಗ್ರಾಮಸ್ಥರು ಇದ್ದರು.